Пошук

Патрыяршы Экзарх усяе Беларусі ўзначаліў урачыстасці з нагоды Дня памяці прападобнай Еўфрасінні Полацкай

05 чэрвеня 2019

5 чэрвеня 2019 года, у дзень аддання свята Пасхі і свята прападобнай Еўфрасінні, ігуменні Полацкай, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Крыжаўздзвіжанскім саборы Спаса-Еўфрасіннеўскага жаночага манастыра горада Полацка.

Патрыяршаму Экзарху саслужылі архіепіскапы: Віцебскі і Аршанскі Дзімітрый, Пінскі і Лунінецкі Сцяфан, Гомельскі і Жлобінскі Сцяфан, Гарадніцкі Аляксандр, Абухаўскі Іона, епіскапы: Маладзечанскі і Стаўбцоўскі Павел, Слуцкі і Салігорскі Антоній, Бараўлянскі Ігнацій, вікарый Мінскай епархіі.

Архіпастырам саслужылі: клірыкі Полацкай епархіі, манастыра і запрошаныя госці ў свяшчэнным сане.

Богаслужэбныя спевы выканаў хор абіцелі пад кіраваннем манахіні Фяўронні (Бармічовай).

Пропаведзь перад Прычасцем прамовіў клірык Спаса-Еўфрасіннеўскага манастыра протаіерэй Іаан Гаўрыльчык.

У гэты дзень у Сафійскім саборы горада Полацка архіепіскап Полацкі і Глыбоцкі Феадосій, епіскапы Тураўскі і Мазырскі Леанід, Барысаўскі і Мар'інагорскі Веніямін і Лідскі і Смаргонскі Парфірый здзейснілі Бажэственную літургію, пасля заканчэння якой здзейснілі хрэсны ход па гарадскіх вуліцах у Спаса-Еўфрасіннеўскі манастыр.

Тыя, хто маліўся ў манастыры, сустрэлі хрэсны ход, а затым усе ўдзельнікі ўрачыстасцяў прайшлі да Спаса-Прэабражэнскага храма манастыра, дзе здзейснілі слаўленне прападобнай Еўфрасінні Полацкай.

Пасля адпусту і святочнага мнагалецця Патрыяршы Экзарх павіншаваў архіпастыраў, святароў і ўсіх набожных паломнікаў і насельніц святой абіцелі з днём памяці прападобнай Еўфрасінні, ігуменні Полацкай, і адданнем свята Пасхі, а затым звярнуўся да ўсіх прысутных на манастырскай плошчы са словам настаўлення.

З прывітальным словам да ўсіх, хто прыйшоў ушанаваць памяць прападобнай Еўфрасінні, звярнуліся старшыня абласнога Савета дэпутатаў Віцебскай вобласці Уладзімір Уладзіміравіч Цярэнцьеў і старшыня Полацкага раённага выканаўчага камітэта Мікалай Мікалаевіч Шаўчук.

Church.by

Фотарэпартаж