Пошук

У Мінскай духоўнай семінарыі прайшоў юбілейны ХХХ выпуск з моманту яе другога адраджэння

10 чэрвеня 2023

8 чэрвеня 2023 года, у дзень памяці святых апосталаў Карпа і Алфея, у Мінскай духоўнай семінарыі прайшоў юбілейны выпуск з моманту яе другога адраджэння ў 1989 годзе.

Напярэдадні ў семінарскім Трохсвяціцельскім храме было здзейснена вячэрняе богаслужэнне, якое здзейсніў выпускнік іерэй Вадзім Свірыдзенка. У сам дзень выпуску Бажэственную літургію ў Трохсвяціцельскім храме ўзначалілі архіепіскап Навагрудскі і Слонімскі Гурый, намеснік Жыровіцкай Свята-Успенскай абіцелі, ганаровы папячыцель Мінскай духоўнай семінарыі і выкладчык епіскап Лідскі і Смаргонскі Парфірый. Архіпастырам саслужылі рэктар Мінскай духоўнай семінарыі протаіерэй Віктар Васілевіч, начальнікі, навучэнцы, выпускнікі ў свяшчэнным сане. Дыяканскі чын узначаліў выкладчык протадыякан Генадзь Малееў. Богаслужэбныя спевы выканаў хор пад кіраваннем выкладчыка протадыякана Андрэя Скробата. У храме маліліся выпускнікі, іх родныя і блізкія.

На патроенай екценні былі ўзнесены падзячныя прашэнні аб усіх начальніках, навучальніках і навучэнцах Мінскай духоўнай семінарыі. Пасля выгаласу былі прачытаныя малітвы аб міры, аб дажджы і малітва падзячная. Пасля запрычаснага сціха пропаведзь прамовіў выпускнік багаслоўска-пастырскай спецыялізацыі дзённай формы атрымання адукацыі чытальнік Валянцін Харошка.

Пасля адпуста было здзейснена слаўленне святу Пяцідзесятніцы і абвешчаны ўстаўныя мнагалецці. У слове настаўлення архіепіскап Гурый звярнуў увагу на высокую адказнасць пастыраў перад Богам за сябе і за сваіх пасомых і заклікаў усіх выпускнікоў да дбайнага служэння Святой Царкве. Протаіерэй Віктар Васілевіч падзякаваў уладыку Гурыю за набажэнства, малітву і павучанні.

Падчас святочнай трапезы прагучалі віншаванні і добрыя пажаданні выпускнікам ад епіскапа Парфірыя, прарэктара па навуковай рабоце дацэнта А.В. Слесарава, прарэктара па выхаваўчай рабоце іераманаха Агафангела (Будзішына) і іншых удзельнікаў урачыстасці.

Па заканчэнні трапезы ва ўнутраным дворыку семінарыі было зроблена агульнае фота.

Урачысты сход, прысвечаны ХХХ выпуску, пачаўся ў актавай зале са спеваў трапара Пяцідзесятніцы. Рэктар семінарыі адкрыў сход і зачытаў прывітальнае слова Мітрапаліта Мінскага і Заслаўскага Веніяміна, Патрыяршага Экзарха ўсяе Беларусі. Прарэктар па вучэбнай рабоце іерэй Канстанцін Мачан пазнаёміў прысутных з асноўнымі складнікамі служэння Мінскай духоўнай семінарыі ў мінулым навучальным годзе. Затым прагучалі словы падзякі ад выпускнікоў.

Затым ва ўрачыстай абстаноўцы архіепіскап Гурый і протаіерэй Віктар Васілевіч уручылі дыпломы выпускнікам. На заканчэнне ўрачыстага сходу прагучаў канцэрт, у праграме якога прагучалі харавыя, інструментальныя і паэтычныя творы ў выкананні выкладчыкаў, выпускнікоў і студэнтаў семінарыі.

Фотарэпартаж: Бажэственная літургія

Фотарэпартаж: Актавая частка

 minds.by/Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники