Упершыню прайшоў вясновы баль моладзі Тураўскай епархіі

30 мая 2017

top.jpg29 мая 2017 года на базе дзяржаўнай установы «Дзіцяча-юнацкая спартыўная школа № 1 горада Калінкавічы» ўпершыню прайшоў вясновы баль праваслаўнай моладзі Тураўскай епархіі.

Мэтай балю стала адраджэнне культурных традыцый, эстэтычнае выхаванне моладзі, развіццё танцавальнай культуры.

З ініцыятывай правядзення балю выступіла праваслаўная моладзь Тураўскай епархіі, пачынанне атрымала благаслаўленне епіскапа Тураўскага і Мазырскага Леаніда і было падтрымана кіраўніцтвам раёнаў, на тэрыторыі якіх размешчана Тураўская епархія.

Ганаровымі гасцямі балю былі: епіскап Тураўскі і Мазырскі Леанід; начальнік аддзела адукацыі, спорту і турызму Калінкавіцкага раённага выканаўчага камітэта Валянціна Віктараўна Касьянчык; загадчыца сектарам па вучэбнай і выхаваўчай рабоце аддзела адукацыі, спорту і турызму Мазырскага раённага выканаўчага камітэта Ларыса Аляксееўна Папкова, а таксама дырэктары ўстаноў адукацыі Мазыра і Калінкавічаў і духавенства епархіі.

З прывітальным словам да ўдзельнікаў і гасцей звярнуўся епіскап Тураўскі і Мазырскі Леанід.

Як упэўнены арганізатары, баль — гэта выдатная магчымасць даць маладым людзям дакрануцца да гісторыі і да культурных традыцый. Далучэнне да бальнага этыкету дапаможа адцягнуць маладых людзей ад негатыўных праяў моладзевага вольнага часу, будзе спрыяць развіццю духоўнага пачатку, эстэтыцы адносін паміж юнакамі і дзяўчатамі, сфарміруе цікавасць да гісторыі і, нарэшце, будзе выдатнай нагодай пагутарыць з аднагодкамі і пакінуць сабе на памяць мноства прыгожых фатаграфій.

Гаспадаром і гаспадыняй балю выступілі старшыня аддзела катэхізацыі і рэлігійнай адукацыі Тураўскай епархіі ігумен Аўксенцій (Абражэй) і старшыня аддзела па працы з моладдзю Тураўскай епархіі Дар'я Бандарчук.

Арганізатарамі балю з'яўляюцца аддзел па працы з моладдзю Тураўскай епархіі і аддзел адукацыі, спорту і турызму Калінкавіцкага раённага выканаўчага камітэта.

Тураўская епархія / Church.by