Пошук

VII Летні сямейны лагер прайшоў у Гродзенскай епархіі

15 жніўня 2018

З 10 па 12 жніўня 2018 года праваслаўны сямейны клуб «Адраджэнне» пры Свята-Марфінскай царкве горада Гродна арганізаваў у в. Парэчча VII Летні сямейны лагер.

Працу злёту ўзначаліў каардынатар Гродзенскай епархіі па пытаннях сям'і, абароны мацярынства і дзяцінства іерэй Аляксандр Гук. Тэма лагера: «Кафалічнасьць і нацыянальнасць у Царкве». 

З адукацыйнымі гутаркамі ў гэтым годзе выступілі: протаіерэй Аляксандр Балоннікаў, протаіерэй Вячаслаў Гаплічнік, іерэй Аляксандр Рудзінскі, іерэй Аляксандр Гук. і псіхолаг Анна Янчый.

Акрамя тэматычных лекцый сямейныя прыхаджане гродзенскіх храмаў мелі ўнікальную магчымасць памаліцца разам, адпачыць, пазнаёміцца ​​бліжэй, пакупацца ў возеры, парыбачыць, пасядзець ля вогнішча. Тры дні на свежым паветры ўмясцілі ў сябе таксама і майстар-клас па саломапляценню, каманднае спаборніцтва, вячэрні канцэрт удзельнікаў і гасцей злёту.

Камандзе валанцёраў з моладзевых брацтваў асобная падзяка ад бацькоў за арганізацыю вольнага часу і нагляд за дзецьмі.

Галоўная падзея кожнага сямейнага лагера - сумесная Бажэственная літургія. Нядзельнай раніцай усе выправіліся на службу ў Храм Казанскай іконы Божай Маці в. Парэчча, многія паспавядаліся і прычасціліся.

Уручэнне ўнікальных грамат ўдзельнікам і памятныя сувеніры завяршылі чарговы этап у гісторыі праваслаўнага сямейнага клуба «Адраджэнне». Айцец Аляксандр запрасіў усіх сустрэцца на наступным сходзе клуба, у апошнюю пятніцу месяца.

Гродзенская епархія / Church.by