Пошук

Вандалізм у Гомелі: невядомыя зламалі крыж у раёне вуліцы Юбілейнай

04 студзеня 2020

Пакуль гамельчукі весела сустракалі Новы год, камусьці ў гэтую ноч звычайнай весялосці было недастаткова. Мабыць, па гэтай прычыне, не прыдумаўшы нічога больш займальнага, нехта невядомы вырашыў зламаць крыж, усталяваны ля крыніцы ў раёне вуліцы Юбілейнай.

Месца каля крыніцы ўжо не першы раз становіцца падставай для абмеркавання. Праваслаўныя вернікі на чале з архіепіскапам Гомельскім і Жлобінскім Сцяфанам пастаянна займаюцца акультурваннем тэрыторыі каля крыніцы. І пакуль частка жыхароў Гомеля змагаецца за яго добраўпарадкаванне і прыгажосць, некаторыя актыўна спрабуюць гэтаму перашкодзіць.

— У час, калі праваслаўныя хрысціяне чакаюць светлае свята Ражджаства Хрыстовага, душамі некаторых нашых суграмадзян па-ранейшаму працягвае кіраваць вораг роду хрысціянскага — з жалем адзначылі ў Гомельскай епархіі.

Гомельская епархія / Church.by