У рамках супрацоўніцтва Беларускай Праваслаўнай Царквы і Беларускага дзяржаўнага ўніверсітэта інфарматыкі і радыёэлектронікі створаны фільм «Споведзь» [+відэа]
15 лютага 2024
У рамках супрацоўніцтва Сінадальнага інфармацыйнага аддзела Беларускай Праваслаўнай Царквы і Беларускага дзяржаўнага ўніверсітэта інфарматыкі і радыёэлектронікі створаны фільм «Споведзь».
Дакументальная кінастужка распавядае гісторыю протаіерэя Георгія Раманоўскага, настаяцеля прыхода храма свяціцеля Феадосія Чарнігаўскага ў вёсцы Пятрышкі Мінскага раёна. У юнацтве ён планаваў быць інжынерам: вучыўся ў Мінскім радыётэхнічным каледжы, працаваў на прадпрыемстве «Інтэграл», але праз некаторы час стаў праваслаўным святаром. Пра тое, якія падзеі прывялі да гэтага, айцец Георгій распавядае ў фільме.
Рэжысёр фільма — прэс-сакратар БДУІР Алёна Сакалоўская, аператар — вядучы інжынер ВНУ Максім Максак, мантажнікі — інжынер-электронік цэнтра інфарматызацыі і інавацыйных распрацовак Данііл Лінкевіч і студэнт трэцяга курса факультэта інфармацыйнай бяспекі Аляксей Прохарчык.
Карціна размешчана на YouTube-канале Свята-Лізавецінскага манастыра горада Мінска.
Нагадаем, што ў 2022 годзе ў рамках узаемадзеяння Сінадальнага інфармацыйнага аддзела Беларускай Праваслаўнай Царквы і Беларускага дзяржаўнага ўніверсітэта інфарматыкі і радыёэлектронікі быў зняты дакументальны фільм «Сястра», які стаў у 2023 годзе пераможцам у намінацыі «Няхай свяціцца Імя Тваё» на VII Міжнародным кінафестывалі «Кінасвет» і лаўрэатам XVII фестывалю хрысціянскага кіно «Неўскі Дабравест».
Чытайце нас у мэсэнджэрах Telegram і Viber,
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
