У свята Уваходу Гасподняга ў Іерусалім Патрыяршы Экзарх здзейсніў Літургію ў Свята-Духавым кафедральным саборы горада Мінска
21 красавіка 2019
21 красавіка 2019 года, у Нядзелю 6-ю Вялікага посту, ваій (Вербная нядзеля), святкаванне Уваходу Гасподняга ў Іерусалім, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Свята-Духавым кафедральным саборы горада Мінска.
Яго Высокапраасвяшчэнству саслужылі: першы прарэктар Інстытута тэалогіі БДУ протаіерэй Сергій Гардун, сакратар Мінскай епархіі протаіерэй Андрэй Волкаў і клірыкі кафедральнага сабора.
Богаслужэбныя спевы выканаў архіерэйскі хор пад кіраўніцтвам Віталя Сабалеўскага.
На малым уваходзе мітрапаліт Павел абвясціў Указ аб узнагароджанні протаіерэя Сергія Гардуна Патрыяршай узнагародай — правам служэння Бажэственнай літургіі з адкрытымі царскімі варотамі па «Іжэ Херувімы…»
За Бажэственнай літургіяй Патрыяршы Экзарх здзейсніў хіратонію ў дыякана Дзмітрыя Баўкуновіча, студэнта першага курса аспірантуры Мінскай духоўнай акадэміі.
Пропаведзь пасля запрычаснага верша прамовіў клірык Свята-Духава кафедральнага сабора протадыякан Віталь Дубяга.
Пасля заамвоннай малітвы Патрыяршы Экзарх і саслужачыя святары здзейснілі слаўленне святу.
Пасля заканчэння богаслужэння мітрапаліт Павел звярнуўся да прыхаджан і духавенства сабора са словам настаўлення.
Уладыка Павел павіншаваў усіх прычаснікаў з прыняццем Святых Хрыстовых Тайн і падаў усім архіпастырскае благаславенне.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
