Пошук

У свята Усекнавення галавы Іаана Хрысціцеля мітрапаліт Веніямін здзейсніў Літургію ў Свята-Духавым кафедральным саборы горада Мінска

11 верасня 2020

11 верасня 2020 года, у свята Усекнавення галавы пачэснага і слаўнага Прарока, Прадцечы і Хрысціцеля Гасподняга Іаана, мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў Бажэственную літургію ў Свята-Духавым кафедральным саборы горада Мінска.

Архіпастыру саслужылі сакратар Мінскай епархіі протаіерэй Андрэй Волкаў і клірыкі кафедральнага сабора.

Дыяканскі чын узначаліў протадыякан Уладзімір Назараў.

Літургічныя спевы выканаў архіерэйскі хор Свята-Духава сабора пад кіраўніцтвам Віталя Сабалеўскага.

За богаслужэннем былі ўзнесены ўзмоцненыя малітвы аб дараванні міру беларускаму народу і спыненні распаўсюджвання шкоднаснай павевы.

У завяршэнне Літургіі быў зачытаны зварот Свяцейшага Патрыярха Кірыла з нагоды агульнацаркоўнага Дня цвярозасці і здзейснены малебны спеў за тых, хто пакутуе на хваробы п'янства і наркаманіі.

Мітрапаліт Веніямін звярнуўся да кліру і паствы са словам пропаведзі аб подзвігу Хрысціцеля Хрыстова — вялікага падзвіжніка, аскета, выкрывальніка грахоў чалавечых.

Павіншаваўшы прычаснікаў з прыняццем Цела і Крыві Хрыстовых, Уладыка Экзарх падаў усім архіпастырскае блаславенне.

Church.by

Фотарэпартаж