У Мінскай епархіі адзначылі Дзень праваслаўнай моладзі
18 лютага 2020
16 лютага 2020 года ў Мінскай епархіі па благаславенню мітрапаліта Мінскага і Заслаўскага Паўла, Патрыяршага Экзарха ўсяе Беларусі, прайшлі святочныя мерапрыемствы, прымеркаваныя да Дня праваслаўнай моладзі, які ўстаноўлены Царквой у свята Стрэчання Гасподняга.
Арганізатарам свята выступіў Сінадальны аддзел па справах моладзі Беларускай Праваслаўнай Царквы пры падтрымцы прыхода іконы Божай Маці «Няўпіўная Чаша» ў горадзе Мінску, на тэрыторыі якога праходзілі мерапрыемствы.
У свяце прынялі ўдзел каля 150 маладых людзей з брацтваў і моладзевых калектываў Мінскай епархіі.
Цэнтральнай падзеяй свята стала Бажэственная літургія з народным спевам, у якой усе прысутныя прымалі актыўны ўдзел.
Пасля закрычаснага сціха старшыня Сінадальнага аддзела па справах моладзі БПЦ іерэй Мікалай Шульмін павіншаваў усіх удзельнікаў і агучыў Патрыяршы зварот з нагоды святкавання Дня праваслаўнай моладзі.
Па заканчэнні Бажэственнай літургіі настаяцель прыхода іконы Божай Маці «Няўпіўная Чаша» протаіерэй Дыянісій Пясецкі прамовіў нядзельную пропаведзь.
Пасля трапезы ўсе прысутныя азнаёміліся з дзейнасцю вулічнага праваслаўнага місіянера Аляксандра Чурбакова і дзейнасцю моладзі парафіі абраза Божай Маці «Няўпіўная Чаша».
Таксама перад удзельнікамі свята выступіў вядомы блогер і місіянер іерэй Аляксандр Кухта (праект «Batushka ответит»).
Скончылася святочная праграма канцэртам, які быў арганізаваны Брацтвам святога апостала Іаана Багаслова пры Свята-Духавым кафедральным саборы горада Мінска.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
