У дзень памяці велікамучаніцы Варвары Патрыяршы Экзарх здзейсніў Літургію ў Свята-Духавым кафедральным саборы горада Мінска

17 снежня 2019

top.jpg

17 снежня 2019 года, у дзень памяці святой велікамучаніцы Варвары і святой мучаніцы Юліяніі, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Свята-Духавым кафедральным саборы горада Мінска. Патрыяршаму Экзарху саслужыў архіепіскап Міхаіл (Данскоў), які знаходзіцца на спачынку.

Архіпастырам саслужылі сакратар Мінскай епархіі протаіерэй Андрэй Волкаў і клірыкі кафедральнага сабора.

Пропаведзь пасля запрычаснага верша прамовіў іерэй Антоній Гураў.

Літургічныя спевы выканаў архіерэйскі хор пад кіраўніцтвам Віталя Сабалеўскага.

Пасля заамвоннай малітвы архіпастыры і саслужачыя ім святары здзейснілі чын слаўлення перад каўчэгам з часціцай мошчаў святой велікамучаніцы Варвары.

Па заканчэнні богаслужэння ўладыка Павел павіншаваў прыхаджан сабора з прастольным святам і звярнуўся да багамольцаў са словам павучання.

Мітрапаліт Павел павіншаваў імянінніц з днём ангела і ўручыў ім прасфоры і кветкі. Імянінніцам і ўсім ушанаваўшым свята было абвешчана мнагалецце.

Патрыяршы Экзарх павіншаваў прычаснікаў з прыняццем Святых Хрыстовых Тайн і падаў усім архіпастырскае благаславенне.

Church.by

Фотарэпартаж