Пошук

У дзень памяці дабравернага князя Аляксандра Неўскага мітрапаліт Павел здзейсніў Літургію ў Аляксандра-Неўскім храме горада Мінска

06 снежня 2019

6 снежня 2019 года, у пятніцу тыдня 25-га пасля Пяцідзесятніцы, пасвята Увядзення ў храм Прасвятой Багародзіцы і дзень памяці святога дабравернага князя Аляксандра Неўскага, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Аляксандра-Неўскім храме горада Мінска, размешчаным на Вайсковых могілках.

Яго Высокапраасвяшчэнству саслужылі: благачынны 3-й Мінскай гарадскога акругі, настаяцель Аляксандра-Неўскага храма протаіерэй Мікалай Коржыч, сакратар Мінскай епархіі протаіерэй Андрэй Волкаў і клірыкі Аляксандра-Неўскага прыхода.

На богаслужэнні прысутнічалі: Надзвычайны і Паўнамоцны Пасол Рэспублікі Арменія ў Рэспубліцы Беларусь Армен Гевандзян, Надзвычайны і Паўнамоцны Пасол Рэспублікі Балгарыя ў Рэспубліцы Беларусь Георгі Васільеў, прадстаўнікі дыпламатычных місій блізкага замежжа, члены апякунскага савета Аляксандра-Неўскага прыхода на чале са старшынёй Уладзімірам Дражыным і іншыя высокія госці.

Богаслужэбныя спевы выканаў парафіяльны хор пад кіраўніцтвам Сяргея Анатольевіча Смольскага.

Пропаведзь перад Прычасцем прамовіў іерэй Сергій Пятроўскі.

Пасля заамвоннай малітвы Патрыяршы Экзарх і саслужачыя святары здзейснілі чын слаўлення святому дабравернаму князю Аляксандру Неўскаму.

Па заканчэнні Бажэственнай літургіі з прывітальным словам да мітрапаліта Паўла звярнуўся настаяцель храма протаіерэй Мікалай Коржыч. Айцец Мікалай выказаў глыбокую падзяку ўладыку Экзарху ад імя кліра і прыхаджан за сумесную малітву ў дзень галоўнага свята абшчыны.

Уладыка Павел падзякаваў айцу Мікалаю за цёплыя словы, павіншаваў духавенства і прыхаджан храма з прастольным святам і звярнуўся да багамольцаў са словам павучання.

Уладыка мітрапаліт заклікаў усіх, натхняючыся жыццём святога князя Аляксандра Неўскага, захоўваць каштоўную спадчыну нашых пабожных продкаў — святую праваслаўную веру і адзінства святога праваслаўя.

Мітрапаліт Павел павіншаваў усіх прычаснікаў з прыняццем Святых Хрыстовых Тайн і падаў вернікам архіпастырскае благаславенне. Усім ушанаваўшым свята на малітоўную памяць уладыка Павел уручыў іконкі з выявай крыжа святой прападобнай Еўфрасінні Полацкай.

Імяніннікам было абвешчана мнагалецце, пасля чаго ўладыка Экзарх уручыў ім прасфоры і кветкі.

Church.by

Фотарэпартаж