Рус / Бел

У Брэсце адбыўся канцэрт духоўнай музыкі «Спадчына святая»

07 верасня 2019

top.jpg

7 верасня 2019 года на пляцоўцы ля храма свяціцеля Мікалая Цудатворца ў горадзе Брэсце адбыўся канцэрт духоўнай музыкі «Спадчына святая», у якім прынялі ўдзел харавыя калектывы праваслаўных храмаў Брэсцкай епархіі. Канцэрт быў прымеркаваны да святкавання 1000-годдзя горада над Бугам.

Перад пачаткам мерапрыемства адбыўся падзячны малебен Госпаду ў памяць аб 1000-гадовым юбілеі горада. Богаслужэнне здзейсніў архіепіскап Брэсцкі і Кобрынскі Іаан у саслужэнні сакратара Брэсцкага епархіяльнага ўпраўлення протаіерэя Сергія Петрусевича, благачыннага Брэсцкай гарадской акругі, настаяцеля храма свяціцеля Мікалая Цудатворца ў горадзе Брэсце протаіерэя Пятра Рамановіча і клірыкаў храма.

Сярод шматлікай аўдыторыі гледачоў, якая прыйшла атрымаць асалоду ад прыгажосці царкоўнага музычнага мастацтва, пачуць знаёмыя богаслужэбныя спевы ў апрацоўцы знакамітых кампазітараў XIX-XX стагоддзяў (А. Дз. Кастальскага, прот. Пятра Турчанінава, П. Р. Часнакова), прысутнічалі: старшыня Брэсцкага гарадскога выканаўчага камітэта А. С. Рагачук; першы намеснік старшыні Брэсцкага гарадскога выканаўчага камітэта В. В. Краўчук; намеснік старшыні Брэсцкага гарадскога выканаўчага камітэта М. С. Якубоўскі; старшыня Брэсцкага гарадскога Савета дэпутатаў М. В. Красоўскі; начальнік аддзела ідэалагічнай работы Брэсцкага гарадскога выканаўчага камітэта Г. І. Іванчын; кіраўнік Адміністрацыі Маскоўскага раёна горада Брэста В. В. Дашкевіч.

У ліку высокіх гасцей свята таксама былі: старшыня праўлення Нацыянальнага банка Рэспублікі Беларусь П. В. Калаўр; генеральны дырэктар ААТ «Савушкін прадукт» А. В. Саўчыц.

Пачатак богаслужэння быў адзначаны звонам ва ўсіх гарадскіх храмах Брэсцкай епархіі.

Архіепіскап Брэсцкі Іаан звярнуўся да прысутных з прывітальным словам і па благаславенню мітрапаліта Мінскага і Заслаўскага Паўла, Патрыяршага Экзарха ўсяе Беларусі, уручыў старшыні Брэсцкага гарадскога выканаўчага камітэта Аляксандру Сцяпанавічу Рагачуку ордэн Беларускай Праваслаўнай царквы свяціцеля Кірыла Тураўскага.

Кіраўнік горада, звяртаючыся са словамі прывітання і віншавання да гасцей і ўдзельнікаў мерапрыемства, адзначыў неацэнны ўклад Беларускай Праваслаўнай Царквы і Брэсцкай епархіі ў прыватнасці ў духоўнае развіццё горада і захаванне старажытных традыцый Праваслаўя на Брэсцкай зямлі.

Старшыня гарвыканкама таксама паднёс у дар архіепіскапу Іаану энцыклапедыю тысячагадовага горада Брэста.

Затым адбыўся канцэрт «Спадчына святая», удзел у якім прынялі:

  • хор духавенства Брэсцкай епархіі (рэгент — клірык храма свяціцеля Мікалая Цудатворца ў горадзе Брэсце протаіерэй Валерый Грыцук);
  • вялікі хор сабор Уваскрасення Хрыстовага ў горадзе Брэсце (рэгент Л. В. Крац);
  • дзіцяча-юнацкі хор кафедральнага сабора прападобнага Сімяона Стоўпніка ў горадзе Брэсце «Дабравест» (рэгент Т. К. Калтунова);
  • хор храма іконы Божай Маці «Усіх тужлівых Радасць» у горадзе Брэсце (рэгент Наталля Алесік)

У завяршэнне свята ўсе харавыя калектывы выканалі мнагалецце ўсім гарадскім жыхарам і сабраліся для агульнага памятнага фота.

Брэсцкая епархія / Church.by