Пошук

Урачыстасці з нагоды 500-годдзя Жыровіцкага манастыра перанесены на больш позні тэрмін

11 мая 2020

У 2020 годзе Беларуская Праваслаўная царква ўспамінае знакавыя для гісторыі праваслаўя на беларускіх землях юбілейныя даты: 550-годдзе знойдзення Жыровіцкай іконы Божай Маці, 500-годдзе яе паўторнага цудоўнага аднойдзення і 500-годдзе з часу заснавання Успенскага Жыровіцкага стаўрапігіяльнага мужчынскага манастыра.

Галоўныя царкоўна-грамадскія юбілейныя мерапрыемствы меркавалася ажыццявіць 19 і 20 мая 2020 года ва Успенскім стаўрапігіяльным мужчынскім манастыры ў аграгарадку Жыровічы Слонімскага раёна Гродзенскай вобласці.

У цяперашні час у сувязі з неспадзяваным, складаным эпідэміялагічным становішчам прынята рашэнне — перанесці памятныя юбілейныя мерапрыемствы на больш позні тэрмін.

Новыя даты правядзення царкоўна-грамадскіх мерапрыемстваў будуць вызначаны пасля завяршэння эпідэміі.

Інфармацыя аб новай даце будзе паведамлена дадаткова. 

Church.by