Пошук

Студэнты Мінскай духоўнай семінарыі выступілі з канцэртам у папраўчай калоніі

02 студзеня 2018

30 снежня 2017 года архіерэйскі хор Мінскай духоўнай семінарыі ў складзе студэнтаў: Паўла Моніда (3 курс), Мікалая Камарчука (4 курс), Аляксея Кручко (3 курс) і Паўла Штэпы (прапедэўтычны курс) выступіў з калядным канцэртам ў папраўчай калоніі-пасяленні № 21 пасёлка Шубіна Гомельскай вобласці.

Былі выкананы богаслужэбныя спевы, калядкі і народныя песні. Некаторыя творы выконваліся з музычным суправаджэннем на баяне (Яўген Жук, прапедэўтычны курс).

Спецыяліст па кадрах МінДС іерэй Сергій Пінчук распавёў прысутным пра свята Ражджаства Хрыстова, аб жыцці і гісторыі Мінскай духоўнай семінарыі, а таксама павіншаваў персанал і асуджаных з навагоднімі і каляднымі святамі.

Па заканчэнні канцэрту студэнты наведалі Іаана-Кармянскі жаночы манастыр Гомельскай епархіі, дзе пакланіліся мошчам святога праведнага Іаана Кармянскага.

МінДС / Church.by