Рус / Бел

Прадстаўнік Царквы прыняў удзел у мерапрыемствах, прысвечаных вяртанню ў Полацк сцяга Полацкага кадэцкага корпуса

11 кастрычніка 2019

top.jpg

5 кастрычніка ў ДУК «Цэнтр культуры «Полацк» адбылася цырымонія, прысвечаная вяртанню ў горад Полацк гістарычнага сцяга Полацкага кадэцкага корпуса. Па благаславенню епіскапа Полацкага і Глыбоцкага Ігнація на ўрачыстасці прысутнічаў кіраўнік аддзела Полацкай епархіі па сувязях з узброенымі сіламі протаіерэй Аляксандр Шаховіч.

Знамені Полацкага кадэцкага корпуса 175 гадоў. У гады Першай сусветнай вайны яго прыйшлося эвакуіраваць. Некаторы час яно знаходзілася ў Еўропе, затым у Амерыцы, а праз гады зноў апынулася на Полацкай зямлі.

У цяперашні час Полацкае кадэцкае вучылішча адраджае традыцыі Полацкага кадэцкага корпуса. У 2014 годзе полацкім кадэтам была ўручана копія сцяга Полацкага кадэцкага корпуса з фрагментам арыгінала. Яго перадала ў будынак апошняга рускага кадэцкага корпуса горада Белая Царква (Сербія) дэлегацыя кадэтаў, якія вучыліся там да 1940 года. Цяпер у Полацку будзе знаходзіцца і сапраўдны сцяг, падараваны ў 1844 годзе імператарам Мікалаем I. Ён у якасці рэліквіі перададзены ў Полацк для будучага музея Полацкага кадэцкага корпуса і ўсяго кадэцкага руху. Музей будзе размешчаны ў будынку адроджанага кадэцкага корпуса, у якім у цяперашні час вядуцца будаўнічыя работы. Таму было прынята рашэнне сцяг часова пакінуць на захоўванне ў Богаяўленскім кафедральным саборы Полацка.

Полацкая епархія / Church.by