На месцы разбуранага храма ў Карэліцкім раёне была здзейснена вячэрня
25 верасня 2018
20 верасня, напярэдадні свята Нараджэння Найсвяцейшай Багародзіцы, у вёсцы Баранавічы Карэліцкага раёна адбылася святочная вячэрня на месцы разбуранай царквы Нараджэння Багародзіцы. Богаслужэнне здзейсніў настаяцель храма святой велікамучаніцы Варвары аграгарадка Райца іерэй Аляксій Шышкір.
Ужо чацвёрты год жыхары вёсак Баранавічы і Машэвічы напярэдадні свята Нараджэння Багародзіцы збіраюцца для малітвы на месцы страчанай святыні.
Згодна парафіяльнай кліравай ведамасці за 1926 год, гэты храм лічыўся прыпісным да Райцаўскага прыхода. У 1960-х гадах быў разбураны, да 2014 года гэта святое месца было ў запусценні. З часам вернікі абнеслі бетоннай агароджай тэрыторыю, звязаную з памяццю аб храме. Добраўпарадкаванне святога месца працягваецца.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
