Пошук

На базе Віцебскай духоўнай семінарыі адбыўся курс лекцый «Праваслаўе для пачаткоўцаў»

23 красавіка 2019

У храме святых роўнаапостальных Мяфодзія і Кірыла пры Віцебскай духоўнай семінарыі быў здзейснены падзячны малебен з нагоды завяршэння адукацыйнага курса лекцый «Праваслаўе для пачаткоўцаў», арганізаванага пры падтрымцы ДУ «Тэрытарыяльны цэнтр сацыяльнага абслугоўвання Першамайскага раёна горада Віцебска».

Набажэнства здзейсніў кіраўнік місіянерскага аддзела Віцебскай епархіі і аўтар курса протаіерэй Аляксандр Лесавой. Пасля малебнага спеву протаіерэй Аляксандр павіншаваў усіх слухачоў з паспяховым заканчэннем заняткаў.

Затым прадстаўнік тэрытарыяльнага цэнтра ўручыў слухачам курса сертыфікаты.

Пасля ўрачыстай часткі прайшоў выніковы занятак.

Віцебская епархія / Church.by