Пошук

Моладзь з Беларусі, Украіны і Польшчы прыняла ўдзел у семінары-злёце «Адзінства»

13 жніўня 2017

З 9 па 12 жніўня 2017 года ў вёсцы Вяжное Пружанскага раёна адбыўся X епархіяльны моладзевы семінар-злёт «Адзінства». У мерапрыемстве прынялі ўдзел больш за 440 прадстаўнікоў праваслаўных моладзевых брацтваў з Брэсцкай епархіі, а таксама з іншых епархій Беларусі. Прыбылі на злёт і госці з Украіны (Уладзіміра-Валынская епархія) і Польшчы (Люблінская епархія Польскай Праваслаўнай Царквы).

У першы дзень злёту юнакі і дзяўчаты маліліся за ўсяночным трываннем і начной Бажэственнай літургіяй у храме свяціцеля Мікалая Цудатворца вёскі Вяжное, на тэрыторыі Мікалаеўскага жаночага скіта. Богаслужэнне ўзначаліў архіепіскап Брэсцкі і Кобрынскі Іаан. Удзельнікі злёту прычасціліся Святых Хрыстовых Тайн. Архіпастыр звярнуўся да моладзі са словамі прывітання і павучання.

10 жніўня ў рамках семінара-злёту адбылася сустрэча моладзі з архіепіскапам Іаанам, якая традыцыйна прайшла ў фармаце «пытанне-адказ». Удзельнікі злёту задалі ўладыку хвалюючыя іх пытанні.

Брэсцкая епархія / Church.by