Пошук

Мінская духоўная акадэмія запрашае да ўдзелу ў Трэціх чытаннях памяці протаіерэя Іаана Грыгаровіча (1792-1852)

19 мая 2019

13 чэрвеня 2019 года кафедра царкоўнай гісторыі і царкоўна-практычных дысцыплін Мінскай духоўнай акадэміі праводзіць навукова-практычную канферэнцыю «III Чытанні памяці протаіерэя Іаана Грыгаровіча (1792-1852): гісторыка, археографа, археолага».

Протаіерэй Іаан Грыгаровіч нарадзіўся ў сям'і настаяцеля Петра-Паўлаўскага сабора горада Гомеля ў 1792 годзе. Скончыў Магілёўскую духоўную семінарыю і Санкт-Пецярбургскую духоўную акадэмію. Кандыдат багаслоўя. Здзяйсняў прыходскае служэнне ў Гомелі, Віцебску, Санкт-Пецярбургу. Член Археаграфічнай камісіі. Выдавец першага беларускага археаграфічнага збору крыніц «Беларускі архіў старажытных грамат», зборніка дакументаў «Акты, якія адносяцца да гісторыі Заходняй Расіі» (у 5 тамах), твораў свяціцеля Георгія Каніскага, архіепіскапа Магілёўскага. Аўтар даследавання «Беларуская іерархія».

Мэта канферэнцыі: асэнсаванне шырокага кола пытанняў гісторыі Праваслаўнай Царквы і сучаснага стану царкоўна-гістарычнай навукі.

Праблемнае поле канферэнцыі:

1. Гісторыя Праваслаўнай Царквы на тэрыторыі Рэспублікі Беларусь
2. Гісторыя Рускай Праваслаўнай Царквы
3. Гісторыя Памесных Праваслаўных Цэркваў
4. Гісторыя заходніх хрысціянскіх вызнанняў
5. Гісторыя і сучасны стан міжхрысціянскіх адносін
6. Гістарычныя аспекты станаўлення праваслаўнай літургічнай традыцыі
7. Актуальныя пытанні сучаснай агіялогіі і агіяграфіі
8. Гісторыя царкоўнай навукі і праваслаўнай багаслоўскай адукацыі
9. Сучасныя выклікі адзінства Праваслаўнай Царквы

Да ўдзелу ў канферэнцыі запрашаюцца выкладчыкі і студэнты Мінскай духоўнай акадэміі, свецкіх і духоўных вышэйшых навучальных устаноў, спецыялісты ў галіне гісторыі, літургікі, рэлігіязнаўства.

Месца правядзення: вул. Зыбіцкая, 27, г. Мінск, Беларусь, 220030. Мінская духоўная акадэмія.

Пачатак рэгістрацыі ўдзельнікаў: 13 чэрвеня 2019 г. у 13: 30 (фае акадэмічнага храма, уваход з боку Свята-Духава кафедральнага сабора).

Пачатак работы канферэнцыі: 13 чэрвеня 2019 г. у 14: 00.

Форма ўдзелу: вочная і завочная.

Рабочыя мовы канферэнцыі: беларуская і руская.

Рэгламент выступленняў: 10 хвілін.

Заяўкі ўдзельнікаў паводле дададзенай формы прымаюцца да 10 чэрвеня 2019 года на адрас: minda.history@gmail.com.

Тэлефоны для даведак: +375 33 641 12 46 (Дзмітрый Усцімчук).

Па факце атрымання заяўкі аргкамітэт накіроўвае пацверджанне.

Заяўка ўдзельніка:

1. Прозвішча, Імя, Імя па бацьку без скарачэнняў
2. Назва арганізацыі (без скарачэнняў, паводле статута)
3. Назва дакладу
4. Неабходнасць мультымедыйнага суправаджэння (так/не)
5. Форма ўдзелу (вочная/завочная)
6. Паштовы адрас, кантактныя тэлефоны
7. Адрас e-mail (абавязкова ўказваць)

Па матэрыялах канферэнцыі плануецца выданне зборніка дакладаў. Тэкст дакладаў просім даслаць да 10 чэрвеня 2019 года.

Патрабаванні да афармлення тэзісаў дакладаў:

Аб'ём не больш за 10 старонак фармату А4 (210 Х 297 мм), у фармаце Microsoft Word (97-2007), шрыфт Times New Roman, кегль 14, без пераносаў, міжрадковы інтэрвал паўтарачны, палі: верхняе, ніжняе — 20 мм, левае — 30 мм, правае — 10 мм. Назва даклада вялікімі літарамі, ніжэй — прозвішча і ініцыялы аўтара звычайным шрыфтам, у дужках горад, назва ўстановы (скарочана). Усе радкі — выраўноўванне па цэнтры. Асноўны тэкст з абзацным водступам і выраўноўваннем справа і злева.

Спасылкі на крыніцу паказваюцца ў тэксце ў квадратных дужках: нумар крыніцы і нумар старонкі (напрыклад, [10, с. 789]). Спіс літаратуры ў алфавітным парадку прыводзіцца ў канцы тэксту.

Афармленне спісу літаратуры павінна адпавядаць патрабаванням, устаноўленым Вышэйшай атэстацыйнай камісіяй Рэспублікі Беларусь у дачыненні да бібліяграфічнага апісання ў спісе крыніц, якія прыводзяцца ў дысертацыі і аўтарэфераце (гл. http://www.vak.org.by/bibliographicDescription).

Тэксты дакладаў, не аформленыя ў адпаведнасці з дадзенымі патрабаваннямі, да публікацыі не прымаюцца.

МінДА / Church.by