Пошук

47 чалавек скончылі Віцебскую духоўную семінарыю

08 чэрвеня 2018

У дзень памяці святога дабравернага вялікага князя Дзімітрыя Данскога, 1 чэрвеня, у Віцебскай духоўнай семінарыі прайшлі ўрачыстыя мерапрыемствы з нагоды выпуску студэнтаў вочнай і завочнай формаў навучання.

Выпускны акт узначаліў рэктар духоўнай школы архіепіскап Віцебскі і Аршанскі Дзімітрый.

Раніцай у Успенскім кафедральным саборы была здзейснена Бажэственнай літургія.

У богаслужэнні прынялі ўдзел: сакратар Віцебскага епархіяльнага ўпраўлення протаіерэй Уладзімір Рэзановіч, першы прарэктар Віцебскай духоўнай семінарыі протаіерэй Канстанцін Ізафатаў, прарэктар па выхаваўчай рабоце протаіерэй Аляксандр Лесавой, ключнік Успенскага кафедральнага сабора протаіерэй Міхаіл Мартыновіч, інспектар Віцебскай духоўнай семінарыі протаіерэй Аляксандр Мазалёў, памочнік інспектара іерэй Барыс Слуцкі, выкладчыкі, студэнты і выпускнікі семінарыі ў свяшчэнным сане.

Дыяканскі чын узначаліў дыякан Іаан Белянец.

Богаслужэбныя спевы выканаў хор студэнтаў духоўнай школы пад кіраўніцтвам дыякана Аляксандра Буханцова.

Пропаведзь пасля запрычаснага верша прамовіў протаіерэй Канстанцін Ізафатаў.

У завяршэнне богаслужэння архіепіскап Дзімітрый здзейсніў чын хіратэсіі ў чытальнікаў над выпускнікамі вочнай формы навучання.

Пасля гэтага рэктар Віцебскай духоўнай семінарыі ўрачыста ўручыў дыпломы аб заканчэнні навучальнай установы выпускнікам багаслоўска-педагагічнага, місіянерскага і пастырскага аддзяленняў.

У 2018 годзе духоўную школу скончылі 47 чалавек, 32 з якіх з'яўляліся студэнтамі дзённай і завочнай формаў навучання багаслоўска-пастырскага аддзялення. 11 студэнтаў атрымалі дыпломы з прысваеннем ступені бакалаўра багаслоўя. Выпускніку вочнай формы навучання Аляксандру Плавіну быў уручаны дыплом з адзнакай.

Затым у сценах Віцебскай духоўнай семінарыі адбыўся ўрачысты прыём для выпускнікоў і іх бацькоў, падчас якога выступілі навучэнцы ДУА «Дзіцячая школа мастацтваў № 4 горада Віцебска», а таксама хор студэнтаў духоўнай школы пад кіраўніцтвам дыякана Аляксандра Буханцова.

Віцебская епархія / Church.by