У панядзелак Светлага тыдня Патрыяршы Экзарх здзейсніў Літургію ў Аляксандра-Неўскім храме горада Мінска
09 красавіка 2018
9 красавіка 2018 года, у панядзелак Светлага тыдня, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Аляксандра-Неўскім храме горада Мінска.
Яго Высокапраасвяшчэнству саслужылі: кіраўнік спраў Мінскай Экзархіі архімандрыт Сергій (Брыч), настаяцель Аляксандра-Неўскага храма горада Мінска протаіерэй Мікалай Коржыч і клірыкі Аляксандра-Неўскага храма.
Урачыстае богаслужэнне наведаў экс-віцэ-прэм'ер Рэспублікі Беларусь Уладзімір Несцеровіч Дражын.
Богаслужэбныя спевы выканаў хор храма пад кіраваннем Сяргея Смольскага.
На малым уваходзе зважаючы на старанную працу ў славу Святой Царквы і да дня Святой Пасхі мітрапаліт Павел уганараваў клірыкаў Аляксандра-Неўскага храма наступнымі іерархічнымі узнагародамі: протаіерэй Васіль Літвінка і ігумен Генадзь (Машэнскі) былі ўзнагароджаны правам служэння Бажэственнай літургіі з адкрытымі Царскімі варотамі па «Іжэ Херувімы», іерэй Сергій Пятроўскі — правам нашэння камілаўкі.
Пропаведзь перад Прычасцем прамовіў клірык храма протаіерэй Павел Баянкоў.
Па заканчэнні богаслужэння мітрапаліт Павел павіншаваў духавенства і прыхаджан храма са святам Уваскрасення Хрыстовага і звярнуўся да багамольцаў са словам навучання.
Патрыяршы Экзарх павіншаваў усіх прычаснікаў з прыняццем Святых Хрыстовых Тайн і даў усім архіпастырскае благаславенне. Кожнаму, хто маліўся ў храме, мітрапаліт Павел уручыў велікоднае яйка, а дзецям — шакаладкі.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
