У пятніцу Светлага тыдня Патрыяршы Экзарх узначаліў Літургію ў Спаса-Еўфрасіннеўскім стаўрапагіяльным жаночым манастыры горада Полацка

13 красавіка 2018

top.jpg

13 красавіка 2018 года, у пятніцу Светлага тыдня, мітрапаліт Мінскі і Заслаўскі Павел, Патрыяршы Экзарх усяе Беларусі, у саслужэнні архіепіскапа Полацкага і Глыбоцкага Феадосія здзейсніў Бажэственную літургію ў Крыжаўздзвіжанскім саборы Спаса-Еўфрасіннеўскага стаўрапігіяльнага жаночага манастыра горада Полацка.

Архіпастырам саслужылі: сакратар Мінскай епархіі протаіерэй Андрэй Волкаў; сакратар Полацкай епархіі протаіерэй Аляксандр Пятліцкі і клірыкі Спаса-Еўфрасіннеўскага жаночага манастыра.

Богаслужэбныя спевы выканаў хор сясцёр абіцелі пад кіраваннем манахіні Фяўронні (Бармічовай).

На малым уваходзе зважаючы на руплівую працу ў славу Святой Царквы і да дня Святой Пасхі мітрапаліт Павел уганараваў клірыка манастыра іерэя Сергія Антипорука правам нашэння камілаўкі.

Пропаведзь пасля запрычаснага верша прамовіў архімандрыт Нікадзім (Генералаў).

Пасля заамвоннай малітвы мітрапаліт Павел і архіепіскап Феадосій здзейснілі чын малога асвячэння вады, а затым хрэсны ход.

Па заканчэнні богаслужэння Патрыяршы Экзарх звярнуўся да духавенства, насельніц і прыхаджан манастыра са словам павучання.

Мітрапаліт Павел павіншаваў прычаснікаў з прыняццем Святых Хрыстовых Тайн і даў усім архіпастырскае благаславенне. Усім, хто маліўся у храме, Уладыка Экзарх уручыў велікодныя яйкі.

Пасля богаслужэння Патрыяршы Экзарх наведаў нямоглых сясцёр абіцелі, якія не змаглі прысутнічаць на Бажэственнай літургіі, павіншаваў іх са светлым святам Уваскрасення Хрыстовага і ўручыў ім велікодныя яйкі і шакаладкі.

Church.by

Фотарэпартаж