У мінскім Лізавецінскім манастыры прайшла манаская секцыя рэгіянальнага этапу XXVI Міжнародных Ражджэственскіх чытанняў

16 лістапада 2017

top.jpg

У Лізавецінскім манастыры горада Мінска 15 лістапада 2017 года прайшла манаская секцыя рэгіянальнага этапу XXVI Міжнародных Ражджэственскіх адукацыйных чытанняў на тэму «Місія манаства ў сучасным свеце».

Арганізатарам канферэнцыі выступіў Сінадальны аддзел па справах манастыроў і манаству Беларускай Праваслаўнай Царквы.

У канферэнцыі прынялі ўдзел архіпастыры, ігумены, ігуменні, манахі манастыроў Беларускага Экзархату, выкладчыкі Мінскай духоўнай семінарыі. Форуму папярэднічала Бажэственная літургія, якую ўзначаліў старшыня Сінадальнага аддзела па справах манастыроў і манаству Беларускай Праваслаўнай Царквы епіскап Лідскі і Смаргонскі Парфірый.

У склад прэзідыума ўвайшлі: епіскап Лідскі і Смаргонскі Парфірый, старшыня Сінадальнага аддзела рэлігійнай адукацыі і катэхізацыі Беларускай Праваслаўнай Царквы епіскап Барысаўскі і Мар'інагорскі Веніямін; кіраўнік спраў Мінскай Экзархіі архімандрыт Сергій (Брыч).

З дакладамі выступілі:

- епіскап Лідскі і Смаргонскі Парфірый, старшыня Сінадальнага аддзела па справах манастыроў і манаству Беларускага Экзархату: «Місія манаства ў сучасным свеце»;

- іераманах Андрэй (Васілюк), выкладчык патралогіі Мінскай духоўнай семінарыі, кандыдат багаслоўя: «Пастараемся ж дапамагчы малітвай ўсяму свету: прападобны Паісій Святагорац аб прызначэнні манаства»;

- ігумення Еўдакія (Ляўшук), ігумення Полацкага Спаса-Еўфрасіннеўскага стаўрапігіяльнага жаночага манастыра: «Сіла і значэнне святасці ў жыцці грамадства: прападобная Еўфрасіння Полацкая і яе духоўная спадчына»;

- архімандрыт Амвросій (Шаўцоў), намеснік Мікольскага мужчынскага манастыра ў горадзе Гомелі: «Духоўна-асветніцкая дзейнасць Свята-Нікольскага мужчынскага манастыра горада Гомеля»;

- Аляксандр Валер'евіч Слесараў, прарэктар па навуковай рабоце Мінскіх духоўных акадэміі і семінарыі, кандыдат багаслоўя, дацэнт: «Місіянерская дзейнасць архімандрыта Серафіма (Шахмуця)».

Па выніках выступленняў былі зроблены наступныя высновы:

1. Грамадства перажывае цяжкія часы, усё больш і больш губляючы правільныя арыенціры. Сучасны чалавек мае патрэбу ў здабыцці сэнсу жыцця, духоўна-маральных прынцыпаў, якія б напоўнілі яго жыццё сапраўдным сэнсам і зместам.

2. Манаства ніколі не было абыякавым да праблем сучаснага грамадства. Прыклад таму — жыццё безлічы святых з ліку манаскіх асоб. У аснове кожнага манастырскага статуту ляжыць любоў да Бога і бліжняга. Духоўна-асветніцкая і сацыяльная дзейнасць мае сваё важнае значэнне ў жыцці кожнага манастыра.

3. Аднак, малітва і прыклад жыцця ў адпаведнасці з Евангельскім вучэннем — самае каштоўнае, што манаства можа даць свету. Манах дапамагае свету малітвай і прапаведуе Хрыста сваім жыццём. У манастыры павінны быць створаны ўмовы для паўнавартаснага духоўнага жыцця: прыводзіць да Хрыста можа толькі той, хто сам імкнецца заўсёды быць з Ім. Манахі павінны мець час для рэгулярнага ўдзелу ў богаслужэбнай малітве, адасобленай малітвы ў келлі і чытання святых айцоў.

4. Найбольш пераканаўчы спосаб данесці да чалавека праўду праваслаўнай веры — гэта паказаць яе на прыкладзе свайго жыцця. Атмасфера малітвы, міру і любві Хрыстовай робіць манастыр тым месцам, дзе сучасны чалавек можа атрымаць адказы адносна свайго сапраўднага прызначэння, раскрыць для сябе сутнасць хрысціянскай веры і пераадолець тыя выпрабаванні, у якія залучаецца стандартамі грамадства спажывання.

Удзельнікі форуму выказалі падзяку ігуменні Лізавецінскага манастыра ігуменні Еўфрасінні (Лапцік) з сёстрамі за прадастаўленую магчымасць правесці сустрэчу ў сценах абіцелі і сапраўдную манаскую гасціннасць.

Даклады будуць апублікаваны на афіцыйным сайце Сінадальнага аддзела па справах манастыроў і манаству Беларускага Экзархату.

Манастырскі хранограф / Church.by

Фотарэпартаж