У Мінску адбудзецца дабрачынная сустрэча-прэзентацыя «Дапамога хрысціянам у Афрыцы»

14 снежня 2017

top.jpg

16 снежня 2017 года ў 13:00 у актавай зале Мінскай духоўнай акадэміі адбудзецца дабрачынная сустрэча з праваслаўным місіянерам Русланам Яроцкім, адказным за місіянерскія праекты Елісееўскага Лаўрышаўскага манастыра, арганізатарам і ідэйным натхняльнікам гуманітарнай місіянерскай дзейнасці ў Рэспубліцы Кенія (Усходняя Афрыка).

Першая двухтыднёвая паездка беларускіх праваслаўных місіянераў у гэтую краіну была ажыццёўлена ў сакавіку 2017 года. У ходзе яе ўдзельнікі наведалі прытулак святога Варнавы ў вёсцы Джамбіні і некалькі праваслаўных абшчын у Кеніі.

У цяперашні момант Кенія — краіна, у якой дынамічна развіваецца Праваслаўная Царква. Галоўны яе біч — гэта беднасць, голад, адсутнасць доступу да пітной вады, адсутнасць элементарнай медыцынскай дапамогі і, як вынік, вялікая колькасць хворых людзей. З-за высокай смяротнасці мноства дзяцей у Кеніі з'яўляюцца сіротамі. Менавіта за такіх дзяцей і бяруць на сябе клопат праваслаўныя святары Кеніі. Айцец Іаан, дырэктар прытулку і школы ў вёсцы Джамбіні, сабраў вакол сябе каля 170 дзяцей. У большасці з іх няма бацькоў, многія з іх цяжка хворыя. Штодзённы клопат айца Іаана складаецца ў тым, каб накарміць і апрануць маленькіх хрысціян, даць ім адукацыю і наставіць у праваслаўным вучэнні. Аб падрабязнасцях паездкі можна даведацца на сайце mostlavra.by.

Наступная паездка плануецца ў студзені 2018 года.

Падчас мінскай сустрэчы ўдзельнікі даведаюцца:

- аб дзейнасці праваслаўных місіянераў у Кеніі;

- аб надзённых патрэбах і праблемах афрыканскіх хрысціян;

- аб шляху Руслана Яроцкага да Бога і аб тым, што спрыяла прыняццю ім рашэння адправіцца ў Афрыку;

- аб бачанні місіянерскі шляхоў у нашай краіне і за мяжой.

Таксама кожны жадаючы зможа ўнесці сваю лепту ў дапамогу афрыканскім хрысціянам. Гэта можна будзе ажыццявіць непасрэдна ў ходзе сустрэчы, а таксама дыстанцыйна з дапамогай SMS-паведамлення, праз сістэму ЕРИП і I-Pay.

Church.by