Пошук

У Лізавецінскім манастыры адкрываюцца курсы па догляду за цяжкахворымі

01 лістапада 2017

Па ініцыятыве патранажнай службы ў Лізавецінскім жаночым манастыры горада Мінска будуць праводзіцца курсы па догляду за цяжкахворымі. Гэтыя заняткі арганізаваны для тых, хто вырашыў прысвяціць сябе міласэрнаму служэнню, а таксама для тых, каму трэба клапаціцца пра хворых сваякоў.

Добраахвотнікі службы і людзі, якія жадаюць стаць патранажными сёстрамі і братамі пры манастыры, навучаюцца бясплатна. Патранажныя сёстры ажыццяўляюць патранажны догляд на хаце і даглядаюць за хворымі ў лячэбных установах горада.

Курсы пачнуць працу ў лістападзе па меры камплектавання групы. Курс навучання доўжыцца 2-3 месяцы, заняткі будуць праводзіцца двойчы на тыдзень.

На курсах можна атрымаць веды і навыкі, неабходныя для правільнай арганізацыі догляду. Гэта базавыя веды па:

- анатоміі;

- фізіялогіі;

- асновах агульнага догляду (агульная гігіена, правілы кармлення, прафілактыка пролежняў, змена памперсащ і многае іншае);

- тэхнікам перамяшчэння ляжачых і цяжкахворых;

- асаблівасцям догляду ў сувязі з характарам захворвання;

- аздараўленчых методыках гімнастык;

- рэабілітацыі пасля розных траўмаў, інсульту.

Методыкі тлумачаць медыцынскія спецыялісты, а затым праводзяцца практычныя заняткі.

Навучыцца асновам догляду за хворымі людзьмі могуць і сваякі цяжкахворых. Кароткі курс праходзіць у выглядзе 4-х заняткаў па 4 гадзіны і праводзіцца на платнай аснове.

Даведацца падрабязную інфармацыю і запісацца на курсы можна па тэлефонах: +375 (29) 613 08 15 (Velcom), +375 (29) 578 58 60 (МТС) (сястра Наталля).

Глядзіце і чытайце таксама: Сястра міласэрнасці: Я ўжо не магу не дапамагаць людзям >>>

Свята-Лізавецінскі манастыр / Church.by