У дзень памяці прападобнага Сергія Раданежскага мітрапаліт Веніямін здзейсніў Літургію ў Сергіеўскім прыходзе горада Мінска
08 кастрычніка 2020
8 кастрычніка 2020 года, у дзень памяці прападобнага Сергія Раданежскага, мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў Бажэственную літургію ў храме ў гонар прападобных Кірыла і Марыі Раданежскіх Сергіеўскай парафіі горада Мінска.
Яго Высокапраасвяшчэнству саслужылі: настаяцель прыхода іерэй Дзімітрый Шульга і клірыкі прыхода.
Літургічныя спевы выканаў хор пад кіраўніцтвам Аляксандра Скалабана.
Пропаведзь перад Прычасцем прамовіў іераманах Закхей (Вежнавец).
Пасля заамвоннай малітвы Патрыяршы Экзарх і святары здзейснілі слаўленне прападобнаму Сергію Раданежскаму.
Адбыўся хрэсны ход з наведваннем будуемага Сергіеўскага храма.
Пасля адпуста Бажэственнай літургіі мітрапаліт Веніямін павіншаваў духавенства і прыхаджан храма са святам і звярнуўся да багамольцаў са словам пропаведзі пра подзвіг святога ігумена Раданежскага.
Уладыка Веніямін павіншаваў прычаснікаў з прыняццем Цела і Крыві Хрыстовых і падаў усім архіпастырскае благаславенне.
На малітоўную памяць Патрыяршы Экзарх уручыў вернікам абразкі прападобнага Сергія Раданежскага і яго бацькоў — святых Кірыла і Марыі.
Людзі, якія маюць заслугі ў справе будаўніцтва храма, былі ўзнагароджаны граматамі Патрыяршага Экзарха.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
