Пошук

Стартаваў велапрабег па святых мясцінах Гомельшчыны

10 жніўня 2017

9 жніўня 2017 года стартаваў велапрабег, які стаў ужо традыцыйным, па святых мясцінах Гомельшчыны.

Мерапрыемства, арганізаванае дзякуючы супрацоўніцтву Гомельскай епархіі, аддзелу адукацыі, спорту і турызму Чыгуначнага раёна горада Гомеля і Гомельскага абласнога цэнтра краязнаўства і экскурсій, накіраванае на актыўны адпачынак, духоўна-маральнае развіццё асобы падлеткаў, а таксама на выхаванне лепшых рыс характару праз здабыццё духоўнага вопыту.

Па завяршэнні Літургіі ў Петра-Паўлаўскім кафедральным саборы Гомеля епіскап Гомельскі і Жлобінскі Сцяфан акрапіў святой вадой і благаславіў юных удзельнікаў велапрабегу.

Дэлегацыя з Італіі на чале з епікапам Локры і Джерачэ Франчэска Аліва, якая даставіла ў гэты дзень часціцу мошчаў святога велікамучаніка Панцеляімана ў гомельскі кафедральны сабор, пажадала рабятам Божай дапамогі ў шляху.

Дваццаці падлеткам трэба будзе пераадолець васьмідзенны маршрут па Гомельскаму, Веткаўскаму і Добрушскаму раёнах. Турыстычны лагер дазволіць дзецям не толькі актыўна правесці час, атрымаць асалоду ад прыгажосці прыроды роднага краю, але і наведаць храмы і музеі. Сярод пунктаў маршруту — храмы ў гарадскім пасёлку Карма, горадзе Ветка, вёсцы Свяцілавічы, горадзе Чачэрск, гарадскім пасёлку Доўск, горадзе Рагачоў, горадзе Жлобін, горадзе Светлагорск і горадзе Рэчыца. Насычаная праграма ўключае ў сябе гутаркі са святарамі ў нефармальнай абстаноўцы, спартыўныя і турыстычныя спаборніцтвы, квэст-гульні, а таксама экскурсіі па населеных пунктах.

У мінулым годзе актывісты за час шляху праехалі на роварах больш за 150 кіламетраў. Падчас цяперашняга велапрабегу рабяты не маюць намераў здаваць пазіцыі і паспрабуюць адолець як мінімум столькі ж.

Удзельнікі, з нецярпеннем і захапленнем чакалі адпраўлення, атрымаўшы благаславенне ад епіскапа Гомельскага і Жлобінскага Сцяфана, рушылі ў шлях.

Гомельская епархія / Church.by