Навігатар: Навіны / Анонсы

Стартаваў конкурс малых грантаў «Праваслаўная ініцыятыва — 2017»

02 сакавіка 2017

top.jpg

Па благаславенні Свяцейшага Патрыярха Маскоўскага і ўсяе Русі Кірыла Каардынацыйны камітэт па заахвочванню сацыяльных, адукацыйных, інфармацыйных, культурных і іншых ініцыятываў пад эгідай Рускай Праваслаўнай Царквы аб'яўляе аб старце конкурсу малых грантаў «Праваслаўная ініцыятыва — 2017».

Мэта конкурсу — падтрымка грамадзянскіх ініцыятыў на аснове маштабнага і рознабаковага супрацоўніцтва паміж Царквой, праваслаўнай грамадскасцю, прадпрымальнікамі і дзяржаўнымі структурамі.

У конкурсе прымаюць удзел праекты, якія рэалізуюцца на кананічнай тэрыторыі Рускай Праваслаўнай Царквы, уключаючы Беларусь.

Заяўкі на ўдзел у конкурсе прымаюцца з 1 сакавіка па 17 красавіка 2017 года на сайце  www.newpravkonkurs.ru.

Пераможцы конкурсу будуць абвешчаныя не пазней за 1 чэрвеня 2017 года.

Рэалізацыя праектаў пачнецца не раней 20 чэрвеня 2017 года, завершыцца не пазней за 20 кастрычніка 2017 года.

Да ўдзелу ў конкурсе запрашаюцца некамерцыйныя арганізацыі, дзяржаўныя і муніцыпальныя ўстановы ў сферы адукацыі, культуры, аховы здароўя, сацыяльнай абароны; кананічныя падраздзяленні Рускай Праваслаўнай Царквы, сродкі масавай інфармацыі. Арганізацыя-заяўнік павінна быць зарэгістраваная як юрыдычная асоба.

У конкурсе не могуць прымаць удзел фізічныя асобы, палітычныя партыі і прафсаюзныя аб'яднанні.

Памер запрошваемага гранта не можа перавышаць 120 тысяч расійскіх рублёў. Грантавая падтрымка пераможцам конкурсу аказваецца на ўмовах абавязковага сумеснага фінансавання выдаткаў на рэалізацыю праекта.

У рамках конкурсу разглядаюцца заяўкі па наступных праектных напрамках:

- Адукацыя і выхаванне

- Сацыяльнае служэнне

- Культура

- Інфармацыйная дзейнасць

Правядзенне конкурсу ўскладзена на фонд падтрымкі гуманітарных і асветніцкіх ініцыятыў «Соработничество».

Кантакты >>

Соработничество / Church.by