«Спасаўскі кірмаш» пройдзе ў Добрушы 12 жніўня
05 жніўня 2017
У прадсвята Вынясення Пачэсных Дрэў Жыватворнага Крыжа Гасподняга ў Добрушы пройдзе славянскі культурны фестываль «Спасаўскі кірмаш». У фестывалі прымуць удзел епіскап Гомельскі і Жлобінскі Сцяфан і кіраўніцтва раёна, госці з суседніх Расіі і Украіны.
Мерапрыемства дазволіць дабрушанам і гасцям горада дакрануцца да жывых крыніц самабытнай культуры нашага краю, адчуць подых даўніх часоў, каб зразумець мінулае і захаваць духоўную спадчыну беларускага народа.
На фестывальных пляцоўках размесцяцца майстры народных промыслаў, пчаляры, прадстаўнікі манастыроў з выставай-продажам абразоў і царкоўнага начыння. Мясцовыя жыхары спецыяльна да свята зладзяць імправізаваныя сельскія падворкі. Са сцэны амфітэатра будуць выступаць калектывы мастацкай самадзейнасці. Футбольнае поле запоўняць дзіцячыя атракцыёны.
Пачатак мерапрыемства ў 14:00.
У фестывалі прымуць удзел епіскап Гомельскі і Жлобінскі Сцяфан і кіраўніцтва раёна, госці з суседніх Расіі і Украіны.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
