Пошук

Патрыяршы Экзарх павіншаваў супрацоўнікаў Мінскай Экзархіі і Мінскага епархіяльнага ўпраўлення з Ражджаством Хрыстовым

09 студзеня 2019

9 студзеня 2019 года мітрапаліт Мінскі і Заслаўскі Павел, Патрыяршы Экзарх усяе Беларусі, павіншаваў супрацоўнікаў Мінскай Экзархіі і Мінскага епархіяльнага ўпраўлення са святам Ражджаства Хрыстова.

У віншаванні прынялі ўдзел: епіскап Бараўлянскі Ігнацій, вікарый Мінскай епархіі; архімандрыт Сергій (Брыч), кіраўнік спраў Мінскай Экзархіі; протаіерэй Андрэй Волкаў, сакратар Мінскай епархіі; кіраўнікі і супрацоўнікі сінадальных аддзелаў Беларускай Праваслаўнай Царквы і служб Мінскага епархіяльнага ўпраўлення.

Уладыка Ігнацій звярнуўся ад імя ўсіх тых, хто сабраўся, да Патрыяршага Экзарха са словамі віншавання і паднёс букет кветак.

Мітрапаліт Павел сардэчна падзякаваў епіскапу Ігнацію і павітаў царкоўных працаўнікоў, пажадаўшы усім здароўя і дапамогі Божай на жыццёвым шляху, а таксама асабліва нагадаў пра тое, што праца ў Царкве і ў Епархіяльным упраўленні накладае на чалавека строгія маральныя абавязацельствы. Той, хто працуе ў царкоўных структурах, закліканы быць чалавекам глыбокай унутранай духоўнай культуры, падаваць навакольным прыклад чуласці, уважлівасці, добрага і мірнага ладу сэрца.

Было абвешчана мнагалецце Свяцейшаму Патрыярху Маскоўскаму і ўсяе Русі Кірылу, Ганароваму Патрыяршаму Экзарху ўсяе Беларусі мітрапаліту Філарэту, Мітрапаліту Мінскаму і Заслаўскаму Паўлу, Патрыяршаму Экзарху ўсяе Беларусі, Прэзідэнту Рэспублікі Беларусь Аляксандру Рыгоравічу Лукашэнку і ўсім прысутным.

Патрыяршы Экзарх ўручыў усім калядныя падарункі і падаў архіпастырскае благаславенне.

Church.by

Фотарэпартаж