Мітрапаліт Павел узначаліў чарговае пасяджэнне Архіерэйскага савета Мінскай мітраполіі
10 жніўня 2017
10 жніўня 2017 года ў Мінскім епархіяльным упраўленні адбылося чарговае пасяджэнне Архірэйскага савета Мінскай мітраполіі.
У пасяджэнні прынялі ўдзел: мітрапаліт Мінскі і Заслаўскі Павел, Патрыяршы Экзарх усяе Беларусі, галава Мінскай мітраполіі; епіскап Барысаўскі і Мар'інагорскі Веніямін; епіскап Маладзечанскі і Стаўбцоўскі Павел; епіскап Слуцкі і Салігорскі Антоній. Прысутнічалі таксама: архімандрыт Сергій (Брыч), кіраўнік спраў Мінскай Экзархіі, і протаіерэй Андрэй Волкаў, сакратар Мінскай епархіі, адказны сакратар Упраўлення справамі Мінскай Экзархіі, сакратар Архірэйскага савета.
Архіпастыры абмеркавалі праект пагаднення аб супрацоўніцтве паміж Мінскім абласным выканаўчым камітэтам і Мінскай мітраполіяй.
Мітрапаліт Павел прадставіў прысутным сігнальны асобнік перакладу Новага Запавету на беларускую мову, выкананага Біблейскай камісіяй Беларускай Праваслаўнай Царквы і выдадзенага Выдавецкім саветам БПЦ. Унікальнае выданне ў бліжэйшы час будзе даступна чытачам.
Патрыяршы Экзарх выказаў падзяку епіскапу Маладзечанскаму і Стаўбцоўскаму Паўлу і ўсім, хто папрацаваў, рыхтуючы да выдання Свяшчэннае Пісанне Новага Запавету на беларускай мове.
На пасяджэнні былі абмеркаваны і іншыя бягучыя пытанні жыцця Мінскай мітраполіі.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
