Міранская багаслоўская калегія дзейнічае ў Гродне
22 верасня 2020
16 і 17 верасня ў актавай зале Пакроўскага кафедральнага сабора горада Гродна адбыліся арганізацыйныя сходы для слухачоў і абітурыентаў міранскай багаслоўскай Калегіі імя прападобнага Ляонція (Карповіча), архімандрыта Віленскага.
Настаяцель Пакроўскага сабора протаіерэй Георгій Рой і каардынатар Калегіі дыякан Барыс Барадзінчык распавялі аб мэтах і задачах развіцця багаслоўскай адукацыі пры кафедральным саборы, рэструктурызацыі і змесце вучэбнай праграмы, пазнаёмілі з календаром заняткаў, саставам выкладчыкаў, спісам вывучаемых дысцыплін і іншымі актуальнымі пытаннямі.
Міранская багаслоўская Калегія імя прападобнага Ляонція, архімандрыта Віленскага, з'яўляецца структурным падраздзяленнем Гродзенскай епархіі Беларускай Праваслаўнай Царквы.
Выкладчыкі калегіі — свяшчэннаслужыцелі і міране Гродна, якія маюць вышэйшую багаслоўскую адукацыю. Акрамя таго, для лекцый у міранскай багаслоўскай калегіі запрашаюцца выкладчыкі з іншых гарадоў і краін.
Навучанне бясплатнае. Заняткі праходзяць па серадах і чацвяргах а 18:30.
Каардынатар калегіі: дыякан Барыс Барадзінчык (+375 29 58 22 453).
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
