Шануемая копія цудатворнай іконы Божай Маці «Жыровіцкая» прыбыла ў Оршу
12 чэрвеня 2018
11 чэрвеня ў горад Оршу з Успенскага Жыровіцкага стаўрапігіяльнага мужчынскага манастыра была ўрачыста прынесена шануемая копія цудатворнай іконы Божай Маці «Жыровіцкая».
Духавенства і жыхары Аршаншчыны сустрэлі святыню на ўездзе ў горад у пачатку вуліцы Магілёўскай. Затым вернікі прайшлі хрэсным ходам да цэнтральнага храма горада — царквы Нараджэння Прасвятой Багародзіцы.
Хрэсны ход узначаліў благачынны цэнтральнай акругі горада Оршы протаіерэй Валерый Сярко. Ва ўрачыстым шэсці прынялі ўдзел выхаванцы ваенна-патрыятычнага клуба «Русічы» і сёстры міласэрнасці.
Па прыбыцці абраза ў храм адбыўся малебны спеў.
Святыню прывезлі ў Віцебскую епархію ў сувязі з юбілейнымі ўрачыстасцямі 2020 года — 550-годдзем яўлення Жыровіцкай іконы Прасвятой Багародзіцы і 500-годдзем з часу яе паўторнага здабыцця.
З 11 па 15 чэрвеня абраз будзе знаходзіцца ў храме Нараджэння Прасвятой Багародзіцы па адрасе: г. Орша, вул. Савецкая, 4а. Тэлефон: 80 216-540 186.
У Віцебску шануемая копія цудатворнага абраза будзе даступнай для пакланення з 15 па 20 чэрвеня ў Успенскім кафедральным саборы па адрасе: вул Камісара Крылова, 9. Тэлефон: 80 212-662 853.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
