Дабрачынная акцыя «Велікодны куліч» адбылася ў Полацку
02 мая 2019
28 красавіка, у дзень Светлага Хрыстовага Уваскрасення, па благаславенню архіепіскапа Полацкага і Глыбоцкага Феадосія ў Богаяўленскім кафедральным саборы Полацка адбылася дабрачынная акцыя «Велікодны куліч». У храм прыйшлі прадстаўнікі грамадскага аб'яднання «Беларускае таварыства інвалідаў».
Святочны малебен адслужыў архіепіскап Полацкі і Глыбоцкі Феадосій. Яго Высокапраасвяшчэнству саслужылі: сакратар Полацкай епархіі пратаіерэй Аляксандр Пятліцкі, іерэй Марк Пуляк і протадыякан Андрэй Скабей. На Велікодным набажэнстве таксама прысутнічаў намеснік старшыні Полацкага райвыканкама Пётр Мяфодзьевіч Пяткевіч.
Уладыка Феадосій павіншаваў багамольцаў са Светлым Уваскрасеннем Хрыстовым і прамовіў пропаведзь, прысвечаную пасхальнай радасці.
Трэці год Полацкая епархія арганізуе акцыю «Велікодны куліч». Людзям з абмежаванымі магчымасцямі архіепіскап Феадосій і клірыкі Богаяўленскага сабора ўручылі кулічы і пафарбаваныя яйкі. У гэтым годзе было раздадзена 150 кулічоў і 300 яек.
Старшыня Полацкай арганізацыі ГА «Беларускае таварыства інвалідаў» Надзея Мацвееўна Юзэфовіч у знак падзякі ад сяброў арганізацыі ўручыла падарункі, зробленыя рукамі асаблівых людзей, архіепіскапу Феадосію і іерэю Марку Пуляку.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
