Пошук

Архіепіскап Віцебскі і Аршанскі Дзімітрый прыняў удзел ва ўзнагароджанні лепшых міліцэйскіх сем'яў Беларусі

18 кастрычніка 2017

У ДУ «Цэнтр культуры «Віцебск» адбыўся фінал рэспубліканскай акцыі МУС Рэспублікі Беларусь «Сям'я! Служым разам!», прымеркаванай да Дня маці.

Акцыя праводзіцца ў Беларусі ў дзесяты раз. У ёй прымаюць удзел як сем'і, у якіх у міліцыі служыць мужа або жонка, так і сямействы, у якіх службу ў органах унутраных спраў нясуць і муж і жонка. У кожнай вобласці праходзяць адборы, у ходзе якіх для ўдзелу ў рэспубліканскім фінале выбіраюць самую моцную і дружную сям'ю. Акрамя кандыдатаў ад абласных УУС, у акцыі бяруць удзел прадстаўнікі ўнутраных войскаў МУС, Дэпартамента аховы МУС, Дэпартамента выканання пакаранняў і навучальных устаноў МУС. У гэтым годзе акцыі сталі фіналістамі 14 сем'яў.

Для ўзнагароджання пераможцаў на сцэну былі запрошаны: намеснік Міністра ўнутраных спраў па ідэалагічнай працы і кадравым забеспячэнні генерал-маёр міліцыі Аляксандр Кобрусеў, старшыня Віцебскага абласнога Савета дэпутатаў Уладзімір Цярэнцьеў, начальнік УУС Віцебскага аблвыканкама палкоўнік міліцыі Іван Кубракоў і архіепіскап Віцебскі і Аршанскі Дзімітрый.

Звяртаючыся да гледачоў і прэтэндатаў на ўзнагароды, уладыка Дзімітрый павіншаваў усіх са святам Пакрова Прасвятой Багародзіцы і Днём маці. Беларусь — адзіная краіна ў свеце, дзе гэтыя святы адзначаюцца ў адзін дзень. Архіпастыр падкрэсліў, што сям'я — гэта не толькі прыватная справа людзей, якія ўступаюць у шлюб, але і адна з формаў хрысціянскага служэння Богу і Айчыне: бо шлюб, які будуецца на Богам дадзенай любві паміж мужчынам і жанчынай, на ўзаемнай падтрымцы адзін аднаго, з'яўляецца асновай дабрабыту грамадства і дзяржавы.

— Гасподзь кажа: няма больш любві, як калі хто пакладзе душу сваю за сяброў сваіх. Госпада неабходна любіць усім сваім сэрцам, розумам і моцай, і бліжняга свайго гэтак жа. На грэх гневайцеся, а чалавека любіце, — такое настаўленне ад архіепіскапа Дзімітрыя пачулі прадстаўнікі органаў правапарадку.

Адбылося таксама ўзнагароджанне пераможцаў конкурсу дзіцячага малюнка, які праходзіў у рамках акцыі. З работамі юных мастакоў можна было азнаёміцца на выставе, размешчанай у холе другога паверха канцэртнай залы.

У холе першага паверха ДУ «Цэнтр культуры «Віцебск» была прадстаўлена экспазіцыя тэматычнай літаратуры па сямейна-бытавому і духоўна-маральнаму выхаванню, прадстаўленая Віцебскай епархіяй. Там жа ў пачатку мерапрыемства была размешчана пераносная званіца.

Мерапрыемства завяршылася канцэртнай праграмай.

Віцебская епархія / Church.by