Пошук

Архіепіскап Навагрудскі Гурый завяршыў сваю працу на пасадзе рэктара Мінскай духоўнай семінарыі

17 ліпеня 2020

17 ліпеня 2020 года ў Мінскім епархіяльным упраўленні мітрапаліт Мінскі і Заслаўскі Павел, Патрыяршы Экзарх усяе Беларусі, прыняў архіепіскапа Навагрудскага і Слонімскага Гурыя, які далажыў аб становішчы спраў у епархіі, Мінскай духоўнай семінарыі і ва Успенскім Жыровіцкім мужчынскім манастыры.

Улічваючы нарастаўчы аб'ём працы па ўсіх напрамках, якімі кіруе архіепіскап Гурый, становіцца зразумела, што выконваць усе ускладзеныя агульнацаркоўныя послухі для аднаго чалавека становіцца не пад сілу.

У сувязі з вышэйпададзеным, архіепіскап Гурый падаў прашэнне Патрыяршаму Экзарху аб вызваленні яго ад абавязкаў рэктара Мінскай духоўнай семінарыі.

Мітрапаліт Павел прыняў прашэнне ўладыкі Гурыя і сваім указам вызваліў яго ад абавязкаў рэктара Мінскай духоўнай семінарыі і выказаў яму сардэчную падзяку за шматгадовую працу па ўзначаленню духоўнай школы.

Выконваючым абавязкі рэктара Мінскай духоўнай семінарыі прызначаны Аляксандр Валер'евіч Слесараў, прарэктар па навуковай рабоце Мінскай духоўнай акадэміі і семінарыі.

У адпаведнасці са Статутам Беларускай Праваслаўнай Царквы (параграф III, пункт 17ж) на бліжэйшым пасяджэнні Сінода БПЦ будзе разгледжана і зацверджана кандыдатура новага рэктара Мінскай духоўнай семінарыі.

Church.by